Autoritetet shëndetësore kanë zbuluar 50 raste të tjera të lisë së majmunëve në Britaninë e Madhe të premten, duke e çuar totalin e konfirmuar në 574, shkruan Sky News.
Aktualisht ka 550 raste të konfirmuara në Angli, 16 në Skoci, dy në Irlandën e Veriut dhe gjashtë në Uells.
Çdokush është në rrezik për t’u prekur nga virusi, por aktualisht, shumica e rasteve kanë qenë te meshkujt që janë homoseksualë, biseksualë ose që kanë pasur marrëdhënie seksuale me meshkuj.
Publikut i këshillohet të kontaktojë një klinikë të shëndetit seksual nëse kanë skuqje ose nëse kanë qenë në kontakt të ngushtë me këdo që ka – ose mund të ketë pasur – linë e majmunit në tre javët e fundit, ose këdo që ka qenë në Afrikën Perëndimore ose Qendrore në tre javët e fundit.
